Охридскиот АМАК СП го порази Фершпед Работнички во Скопје со 94-90. Дополнителни пет минути им беа потребни на “езерџиите“ за триумф над “шпедитерите“ откако во регуларните 40 мин резултатот беше 78-78.
Избраниците на Гацов имаа предност во првото полувреме 51-46. Домаќините се созедоа и со подобра игра во третиот период успеаа да ја стопат негативата и во последниот период да влезат со предност. Нервозната игра на домашните центри во целост ја искористи О`Нил кој постигна 22 поени (рекордни за него сезонава). Во последната минута охриѓани влегоа со +3, но со тројката на Филиповиќ, домашните се изборија за продолжување.
Во дополнителните пет минути мудрата игра на “сините“ даде плод. Резултатската рамнотежа “шпедитерите“ ја одржуваа со ударите од надвор на Караколев и Мираковски. Браќата Стојаноски се погрижија за пресврт, a конечниот збор го даде Фрај за огромен триумф на тернот на 13-кратниот првак .
По овај триумф, со првата шесторка од шампионатот, охридскиот АМАК СП во разигрувањето ќе влезе со егал 2-2 ! !
