Ниту Општинскиот фудбалски сојуз од Струга не остана имун на последните случувања во македонскиот фудбал. Тиквата пукнала кога на последниот состанок одржан на 27 април дошло до поделеност на членовите околу прашањето за подршка на ИО за промени на ФФМ. Според секретарот Стефан Кукунешоски целта на состанокот е да се поднесе барање за свикување на УО на ОФС Струга.
„На последната седница на ОФС Струга беа присутни само тројца членови и според нас тоа нема кворум за работа и донесување на одлуки.
Бараме да се свика седница на која би се поддржала одлуката да се даде поддршка на кандидатот ИО за промени на ФФМ за преседател Емил Божиноски, а за член на УО на ФФМ Ади Крека од Општински фудбалски сојуз – Струга“ изјави Кукунешоски.
ИО за промени на ФФМ закажа собрание на 19 Мај кога се очекува разврска за случајот ФФМ.
М. Постолоски
