Конференцијата ја организираат Балканскиот институт за вода и животна средина со седиште во Монпелје, Македонската метеоролошка асоцијација (МЕТЕО МАК), Гредежниот факултет во Скопје, Универзитетот „Свети Климент Охридски“ од Битола, Хидробиолошкиот институт во Охрид, како и Управата за хидрометеоролошки работи во Скопје.
На четиридневната конференција повеќе од 400 научници, хидроинженери, претставници на правни субјекти што стопанисуваат со водите, како и на институциите надлежни за прашања поврзани со водените ресурси од државите на Балканот но и пошироко, ќе разговараат за подобрувањето на соработката меѓу државите во областа на стопанисувањето со водите и имплементацијата на европските директиви за водите во државите од Балканот. Охридската конференција треба да ги утврди насоките на развој и подобрување на квалитетот и квантитетот на водата и водните ресурси, а неизбежна тема се и климатските промени за кои науката се уште нема единственом мислење на што се должат екстремните појави како што се големите поплави во Европа, силните невремиња и порастот на температурата.
