Првото кафе во својата нова канцеларија, градоначалникот Трајкоски го испи заедно со Љупчо Којчиноски, кој претходно 16 години беше прв човек на општината.
– Им благодарам на жителите на општина Дебрца што ми ја дадоа довербата и ми овозможија во наредниот период да се докажам со делата кои ќе ги реализирам. Тие ќе бидат мојот критичар и коректор во работењето во наредните четири години, рече во своето обраќање градоначалникот Трајкоски.
Првите честитки Трајкоски ги доби од советникот Дејан Пановски и портпаролот на ВМРО- ДПМНЕ Охрид, Никола Митровиќ, како и од новите членови на советот и бројните жители кои присуствуваа на свеченото примопредавање на градоначалничката функција.
Во просториите на Општина Дебрца во Белчишта, денес, од страна на Општинската изборна комисија им беа врачени уверенијата и на новите советници.
Советот на Општина Дебрца ќе го сочинуваат 11 советници- пет од Сојузот за иднината, исто толку советници од коалицијата За подобра Македонија и еден независен советник.
