Пет натпревари вечерва ќе го отворат седмото коло во кошаркарската Евролига.  Од македонските репрезенти во елитното натпреварување, вечерва ќе настапи единствено Владо Илиевски.

Тој, со својот Анадолу Ефес, во рамките на Ц групата ќе гостува кај Шарлроа. Натпреварот е значаен за двата тима, Ефес со победа ќе фати приклучок за пласман во Топ 16 фазата, додека Шарлроа со евентуална победа ќе ги сочува шансите за пласман во следната рунда.

Еден натпревар ќе се одигра и во А групата, Билбао ќе го пречека Нанси. Во Б групата на програмата е комплетното коло: Жалгирис-Уникаха, Бамберг-ЦСКА и Панатинаикос-Загреб.

Табела „А“ група: Каха Лаборал 4-2 (победи-порази), Олимпијакос 3-3, Канту 3-3, Фенербахче 3-3, Нанси 3-3, Билбао 2-4.

Табела „Б“ група: ЦСКА Москва 6-0, Панатинаикос 4-2, Уникаха 3-3, Бросе Баскетс 2-4, Загреб 2-4, Жалгирис 1-5.

Табела „Ц“ група: Макаби 5-1, Реал Мадрид 4-2, Анадолу Ефес 3-3, Партизан 3-3, Армани 2-4, Шарлроа 1-5.

Табела „Д“ група: Барселона 6-0, Сиена 4-2, Уникс Казан 4-2, Галатасарај 3-3, Олимпија 1-5, Проком 0-6.

“Макфакс“
Ohridnews