Дефанзивецот на “млекарите“, Дарко Иловски го одиграа целиот меч во триумфот 1-0 на неговата екипа над Охрид во шестата рунда од втората лига. Вториот охриѓанец Наум Велјаноски поради повреда не беше во конкуренција за мечот со “рибарите“.
– Чувството е одлично да се вратиш победнички во Охрид. Натпреварот беше крајно неизвесен и нашата победа висеше до самиот крај. Ние полека влегуваме во посакуваниот ритам, сега ни престојат два натпревари на домашен терен. Во тие мечеви сме фаворити но мораме да ги победиме и да ја продолжиме победничката низа – посочи Иловски.
Еуромилк по шест одиграни рунди со две победи, две реми и два порази се наоѓа на деветтата позиција на табелата.
Мх.П.
