Интернетот како средство за информирање станува дел од секојдневието и на се поголем број охриѓани.
– Во зависност од мојата ангажираност во текот на денот, доколку имам можност претпладне го користам интернетот, да ги пролистам дневните весници и електронските медиуми. Интернетот многу го користам и за стручно надоградување, но и заедно со моите деца за добивање информации кои им користат на училиште. Фејсбукот пак, како социјална мрежа за забава е неизоставен дел од комуникацијата со моите пријатели, вели Томислав Тунтев.
За се поголемото значење на интернетот зборува и советникот Дејан Пановски. – Се повеќе и повеќе информациите за дневните, но и генерални случувања ги превземам од интернет како сеопфатна платформа на информации . Малку носталгично , но телевизијата ја губи доминацијата во брзиот пренос на вестите. Интернетот ми стана целодневен придружник. Не во форма на опсесија , туку како жед за брза информираност но и како одлично орудие за работа , бидејќи во секојдневната меѓународна комуникација е најбрз преносител на текстови и договарања на активности. Приватно ми е исклучиво извор на информации , добри книги и добра музика, потенцира Пановски.
Без интернет комуникацијата денот не може да му помине и на д- р Сашо Василески, интернист во Општа болница- Охрид.
–Интернетот за мене е секојдневије. Го користам и приватно и слузбено , компјутерот ми е нон-стоп уклучен. Моите контакти и обврски со колегите и пријателите во светот се преку интернет, кажува д- р Василески.
Во последните неколку години забележан е огромен раст на Онлајн медиумите во земјите од западна и централна Европа. Во Македонија нивниот број од ден на ден е се поголем.
