Иницијатива за именување на улица во Охрид во чест на големата спортистка Атина Бојаџи, покрена Општинскиот Комитет на ВМРО ДПМНЕ.
– Атина Бојаџи е симбол на Охрид, симбол на Охридското Езеро, симбол на моќта на човекот . Сметаме дека Охрид како нејзин град треба да се оддолжи со именување на една улица и некој од малите плоштади со нејзиното име, вели координаторот на советничката група на ОК ВМРО ДПМНЕ, Дејан Пановски.
Тој истакна дека советничката група на ВМРО ДПМНЕ и коалицијата во Советот на Општина Охрид , ќе поднесе и официјален предлог за именување на една улица во чест на Атина Бојаџи и изрази уверување дека со разбирање и поддршка од локалната самоуправа и заедницата идејата ќе се реализира.
Македонската пливачка хероина, Атина Бојаџи, гордоста на македонското пливање, ненадејно почина на 29 декември 2010 година во Скопје во 66-та година од животот.
OhridNews
