Градоначалникот Никола Бакрачески, оствари работна средба со членовите на иницијативниот одбор за отворање на филмска академија во Охрид: Роберт Јазаџиски, Зоран Велјаноски- Летра , Томаш Петрањ, Иво Трајков и Хана Јанаушкова .
На средбата градоначалникот Бакрачески изрази уверување дека локалната власт ќе даде силна поддршка за отворање на филмската академија во Охрид , која се очекува да биде сместена во дел од просториите од Универзитетот “Св. Апостол Павле“.
Со гостите покрај за академското изучување на филмските вештини се разговараше и за можностите во Охрид да се отвори и професионално филмско студио. На средбата се разговараше и за можноста во градов да заживее и охридски филмски фестивал од меѓународен карактер со што значително би се збогатила културната понуда.
OhridNews
