Во седиштето на Националниот парк Преспа, во Горица, Република Албанија, денеска, Министерот за животна средина и просторно планирање на Република Македонија, Абдилаќим Адеми и Министерот за животна средина, шумарство и водостопанство на Република Албанија, Фатмир Медиу, ќе ја потпишат Декларацијата за посветеност за воспоставување на прекуграничен биосферен резерват Охрид – Преспа според УНЕСКО програмата.
Во петокот на работната средба што се одржа во Корча, Албанија, Декларацијата ја потпишаа градоначалниците на општини и раководителите на национални паркови во сливот на Охридското и Преспанското Езеро од македонска и албанска страна.
Целта на иницијативата, што ја поттикна Националниот парк Галичица, а ја подржаа надлежни институции и тела од државите во регионот, е да се овозможи интегрална заштита и одржлив развој на регионот.
