Шефот на дипломатијата на Ирска, Имон Гилмор, очекува во првата половина на оваа година земјава да започне со преговорите за членство во унијата. Гилмор ова го изјавил пред Комитетот за надоворешни прашања на Европскиот парламент.
Според него, потребни се конкретни прогреси на сите потенцијални членки на унијата, вклучувајќи ја и Македонија. „ Во првата половина на 2013 ќе имаме шанса да ги отвориме преговорите со Србија и Македонија. Оваа е амбициозна агенда, но ирското претседателство ќе работи за прогрес на земјите од Западен Балкан.“ – изјавил Гилмор.
Како што пренесува италијанската агенција АНСА, Гилмор потенцирал дека на Албанија ќе и биде доделен кандидатски статус, додека со Косови ќе биде потпишан договор за асоцијација.
OhridNews
