Македонскиот интернационалец при дуел со Кајл Вокер прво имаше вербален разговор, кој го заврши со плукање. По асистенција на помошникот, главниот арбитар Марк Клатенбург му додели црвен картон и го испрати во соблекувалните.
– Одлуката на Клатенбург и брзата реакција да му додели црвен картон на Горан Попов, кој на тој натпревар со Тотенхем покажа сè што е погрешно за еден модерен фудбалер кој игра во Премиерлигата. По дуелот јасно се виде дека Попов го плукна противничкиот играч Вокер, и му беше покажан чист црвен картон. Тоа е најдобрата одлука на еден судија во изминатата сезона – рече поранешниот судија со знакот на ФИФА, Грем Пол.
Со тој потег Попов во голема мера ја изгуби довербата од менаџерот Стив Кларк и голем дел од натпреварите ги започнуваше од клупата.
