Португалските репрезентативци Мигел Лопес и Рикардо Кваресма физички се пресметаа на тренингот во пресрет на полуфиналето од Европското фудбалско првенство.
Лопес на при крајот на тренингот со лизгачки старт “му влезе“ на Кварезма, кој не остана должен и му врати на соиграчот со тупаница во грбот.
Селекторот Паоло Бенто и дефанзивецот Рикардо Коста ги раздвоија нервозите фудбалери спречувајќи по жестока пресметка.
– Вакви работи се случуваат на тренинзите. Тоа беше жесток старт на топката. Голема е желбата за победа, па затоа и на тренинзите фрчат искри – рече Коста.
Влезот во финалето Португалија ќе го брка против бранителот на трофејот Шпанија.
