Со јавниот повик се опфатени плажите во Охрид, меѓу кои и атрактивните локации кај Билјанини Извори, Канео, Горица, Лагадин, Елешец, Потпеш, Лабино и Грашница.
-До Министерството за транспорт и врски веќе се доставени комплетни пријави за неколку локации за учество во јавното наддавање и со оглед на тоа дека крајниот рок е утре, во Министерството за транспорт и врски барања ќе се прифаќаат заклучно 16.30 часот, а ќе се остави простор и за барањата кои ќе бидат доставени по пошта, велат од министерството.
Постапката за давање на плажите под закуп е започната неколку месеци пред почетокот на туристичката сезона, со цел формалните постапки да завршат навремено, а закупците да имаат доволно време да ги исполнат обврските кои произлегуваат од договорите во насока на навремено и квалитетно уредување на плажите со цел подготвено да се пречека туристичката сезона.