Охридскиот Маратон е веќе традиционален 24 (дваесет и четири години). Се одржуваше без прекин од 1976 год. до 1993год. По пауза од десет години во 2004 год. продолжува традицијатаи важи за еден од најтешките маратони во должина од 30км. Се трча долж крајбрежјето на Охридското езеро со многу нагорнини и надолнини.

Најтрофеен маратонец е Живко Стојчески со 5 (пет) освоени први места. Со најголем број на учество на маратоните е Коста Стојаноски вкупно 13 (тринаесет) години, од 1981 до 1993 година.

Најстар маратонец кој ја истрчал патеката Св. Наум – Охрид е 73 годишниот Живоин Јекиќ со резултат 2:52,30.

Рекордерот на патеката во машка конкуренција го држи Борислав Девиќ од СР Југославија со резултат 1:39,13.

Рекордерот на патеката во женска конкуренција го држи Шаламанова Добринка од Република Бугарија со резултат 2:06,01 постигнат 2006 година.

Од Република Македонија со најдобар резултат на патеката во машка конкуренција истрчал Јунузи, АК Куманово – Куманово со резултат 1:42,22 што е постигнат 1992 година, додека во женска конкуренција најдобар резултат на патеката Св. Наум – Охрид го постигна Горде Петревска АК 3ти Ноември од Прилеп со резултат 2:20,23 постигнат 1990 година.