Серијата слаби резултати на европскиот првак Челси сериозно ја разнишна менаџерската функција на Роберто Ди Матео. “Сините“ од Лондон немаат триумф четири натпревари во Премиер Лигата, во кои претрпеа два порази Манчестер Јунајтед 3-2 и Вест Бромвич Албион 2-1.
Роберто Ди Матео ги исполна сонот на сопственикот на Челси и ја освои толку посакуваната титула во Лигата на Шампиони.
Но, сега италијанецот е во небрана позиција. Во четирите дена што престојат ќе се решава судбината на Ди Матео. Челси гостува во Торино кај првакот од Серија А, Јувентус во Лигата на Шампиони во петтото коло од Лигата на Шампиони додека “сините“ во Премиер Лигата го пречекуваат Манчестер Сити, кој од клупата ги води Роберто Манчини.
Мх.П.
