Иванов на отворањето на студентските спортски игри во Охрид

Претседателот на Република Македонија, д-р Ѓорге Иванов, денеска, ќе присуствува на отворањето на Македонските студентски игри во х. „Десарет“ Охрид, кои се одржуваат во организација на Студентскиот парламент на Универзитетот „Св. Кирил и Методиј“ – Скопје.

Оваа традиционална манифестација, годинава се одржува по 15-ти пат. Покрај студентите од овој универзитет, во спортските натпревари, свое учество ќе земат и  студентите од Универзитетот „Гоце Делчев“ од Штип, Американскиот колеџ од Скопје и Европскиот Универзитет. Тие ќе се натпреваруваат во мал фудбал, кошарка, ракомет, одбојка, шах и пинг-понг. 

Како гости на овој најголем  младински спортски собир во Македонија се поканети студенти од неколку балканските земји.