Изградбата на автопатот кој треба да го поврзе граничниот премин Ќафасан, а воедно Охрид и Струга со Гостивар, ќе започне во 2011 година, најави премиерот Никола Груевски. Тој појасни дека во тек е еволуацијата на пристигнатите понуди на компаниите кои се пријавија на тендерот за изградба на автопати, што според најавите треба да заврши за два месеци.Како што е познато на тендерот што го распиша Владата се пријавија осум компании. Вкупната вредност на проектот кој предвидува изградба, реконструкција, одржување, наплата на патарина и користење на патните правци: Крива Паланка – Романовце, Кочани – Штип, Миладиновци – Штип, преку Свети Николе, Миладиновци – Скопје и обиколницата на Скопје, Стенковец – Блаце, Гостивар – Ќафасан и правецот Гостивар – Тетово – Скопје, се проценува на една милијарда евра.
OhridNews
