На последната Седница на Владата на Република Македонија усвоена е Годишната програма за изградба, реконструкција, рехабилитација и одржување на државните патишта за 2018 година на ЈП за државни патишта. Врз основа на Годишната програма за изградба, реконструкција, рехабилитација и одржување на државните патишта за 2018 година планирани се инвестиции во вкупна вредност од 16 748 600 000 денари.
Меѓу предвидените проекти се и: Рехабилитацијата на државниот пат 1301( делница Охрид кај бензинската пумпа Билјанини извори – Коњско), продолжување на изградба на автопат Кичево –Охрид, реконструкција на патниот правец Подмоље-Струга-Ќафасан.
Од Владата на Република Македонија потенцираат дека интензивно ќе продолжи изградбата и реконструкцијата на патната инфраструктура со цел да се стимулира економскиот раст и развој на земјата.
OhridNews
