Вечерва во 18 часот во Културниот центар „Култура 365“, на улицата „Цар Самоил“ ќе биде отворена изложба на карикатури со наслов „Соочување со климата“. На изложбата ќе бидат претставени 34 дела од 12 автори од Шведска, Албанија, Босна и Херцеговина, Косово, Македонија, Хрватска, Србија и Црна Гора.
Изложбата е дел од интензивните напори на Шведскиот институт за промовирање на одржливиот развој под името „Соочување со иднината – одржливост на шведски начин“.
Изложбата во Охрид е организирана во соработка со Шведската амбасада во Република Македонија, а за посетителите ќе биде отворена до 17 ноември.
OhridNews
