Македонскиот истакнат писател и академик Ташко Георгиевски почина на 77 годишна возраст. Ташко Георгиевски е македонски раскажувач, романсиер и филмски сценарист по потекло од Егејска Македонија. Член е на МАНУ од 1983 година.
Георгиевски студирал на Филолошкиот факултет во Скопје. Работел во редакцијата на весникот „Млад борец“ и во списанието „Современост“. Бил уредник во Македонската телевизија и во издавачките куќи „Мисла“ и „Македонска книга“.
Ги има добиено наградите: „Кочо Рацин“, „11 Октомври“, „13 Ноември“, „Стале Попов“, „Рациново признание“.