Израелските воздухопловни сили, над нуклеарната постројка Димона во пустината Негев, собориле неидентификуван летечки објект, соопшти израелското министерство за одбрана, јавува телевизиската мрежа CNN.

Како што пренесува „Макфакс“, објектот,  се појавил во зоната забранета за прелети, министерството за одбрана на Израел не ја исклучува можноста да се работи за најобичен балон. Од таму наведуваат дека сеуште не се пронајдени остатоци од соборениот објект, така што точно не може да се востанови за каков објект станува збор.

Според непотврдени извештаи се работи за објект кој низ воздухот се движел со помош на мотор.

OhridNews
извор:„Макфакс“