Струшкиот Основен суд, попладнево, ги прогласи за виновни обвинетите за случајот Пливалиште- Цвете Вранишкоски, Климе Миладиноски и Гоце Јанески, за сторено кривично дело- Предизвикување тешки дела против општата сигурност на луѓето.
Според судот, непрописно монтираната и изведена инсталација предизвикала зголемување на напонот на металната конструкција од летниот шанк , поради што настапила смртта на тројцата стружани Јосиф Докоски, Кире Ѓоргоноски и Јонче Кувенџиески.
Судот на првообвинетиот Цвете Вранишкоски му изрече казна затвор од 4 години. Второ обвинетиот Климе Миладиноски доби казна затвор од 3 години и трето обвинетиот Гоце Јанески е осуден на казна затвор од 3 години и 4 месеци.
Согласно законот во казната ќе им биде пресметано и времето поминато во притвор, а до правосилноста на пресудата им се укинува мерката домашен притвор.
OhridNews
