Владата на Република Македонија и Агенцијата за финансиска подршка во земјоделството и руралниот развој ги известува сите заинтересирани правни и физички лица дека втората половина на месец Јануари 2014 година ќе се објави Јавен повик за доставување на барања за користење на финансиски средства од ИПАРД програмата.
Финансиските средства од ИПАРД програмата 2007-2013 во врска со спроведувањето на овој Јавен повик од јануари 2014 година се наменети за следните мерки: Мерка 101 – Инвестиции на земјоделски стопанства со цел нивно преструктуирање и надградба за постигнување на стандардите на Европската Унија, Мерка 103 – Инвестиции за преработка и маркетинг на земјоделски и рибни производи со нивно преструктуирање и надградба за достигнување стандардите на Европска Унија, Мерка 302 – Диверзификација и развој на руралните економски активности.
Огласот ќе трае 45 дена од денот на објавување на Јавниот повик во дневните весници.
