Здружение на еколози „Натура“ од Струга во рамките на спроведувањето на активностите на проектот „Мониторинг на процесот на донесување одлуки за Б интегрирана дозвола”, финансиран од Civica Mobilitas, организира јавна дебата, која ќе се одржи во петок на 26-ти февруари 2016 година, со почеток во 11 часот во салата на Советот на општина Струга.
На оваа дебата се поканети општинските инспектори за животна средина, претставници на бизнис секторот односно фирми кои се обврзани да поседуваат Б интегрирана еколошка дозвола, граѓански организации кои работат на темата, медиуми и други засегнати страни.
Целта на дебатата е образложување на законот од кој произлегува обврската за поседување на Б интегрирана дозвола, зошто е таа потребна и кои се последиците од непоседување на истата, како и споделување искуства на засегнатите страни.
OhridNews
