Министерството за транспорт и врски, денес, во Охрид и Струга ќе изврши јавна презентација на постапката околу предлог-законот за постапување со бесправно изградените градби. Присутните граѓани ќе можат да добијат одговор на своите прашања кои се поврзани со овој предлог-закон.
Во Охрид презентацијата ќе се одржи во Центарот за култура со почеток во 11 часот. Во Струга, ќе започне во 14 часот во хотел Дрим.
Јавните презентации во градовите низ земјава се одржуваат од страна на три тимови, предводени од Министерот за транспорт и врски, Миле Јанакиески, заменик-министерот за транспорт и врски, Горан Михајловски и директорот на Државниот инспекторат за градежништво и урбанизам, Сашо Дукоски.
OhridNews
