На 7-ми мај 2014 година, во просториите на општините Охрид и Дебрца ќе се одржи Јавна расправа по Студија за оцена на влијание врз животната средина за проектот “Изградба на интерконективен надземен вод 400kV ТС Битола 2-македонско-албанска граница и ТС 400/110 kV Охрид “.
Според најавите, јавната расправа во Дебрца ќе започне во 11 часот, а во Охрид во 14 часот.
-Ја известуваме заинтересираната јавност дека инвеститорот АД Македонски електропреносен систем оператор-АД МЕПСО, Скопје ја достави Студијата за оцена на влијание врз животната средина за овој проект и истата е достапна за увид, на веб страната www.mepso.com.mk, и во канцелариите на општина Дебрца општина Охрид, пишува во јавното соопштение на Министерството за животна средина и просторно планирање.
Ваква јавна расправа ќе се одржи и во општина Струга на 14-ти мај 2014 година.
OhridNews
