Граѓани на Охрид преку соопштение реагираат на узурпација на јавни површини во стариот дел на градот, кои како што велат, се претвораат во диви паркинзи.
Ваквата состојба, се посочува во рекацијата, се толерира со години. Повеќе пати било реагирано до надлежните служби во локалната самоуправа и инспекторатот, но, како што велат, безуспешно.
-Во стариот дел на Охрид локалните кафе баровите го узурпираат државното земјиште и градат летни тераси на јавни површини и паркинзи без соодветна дозвола или било каква согласност од надлежните служби. Закупците ги земаат под закуп објектот во градот и вршат узурпација на јавните површини, на тој начин не оставаат простор за нормално функционирање на локалното население. Речиси и да не постојат јавни паркинг места за граѓаните на Охрид, од диво изградените летни тераси и диво поставените маси и столови на кафе баровите.
Дали треба да се повторат инцидентите што се случуваа во село Трпејца во сред туристичка сезона за да ги заинтересираме надлежните служби да излезат на терен?-се вели во дописот кој до нашата редакција го испрати група граѓани.
