Со 23 играчи меѓу кои три голмани селекторот Мирсад Јонуз ќе се подготвува за престојниот септемвриски двомеч против селекциите на Шкотска и Норвешка.
Четири дена во Охрид репрезентативците ќе воигруваат нови варијанти и ќе ги отстрануваат слабостите воочени на мечот со континеталниот првак Шпанија кој го загубивме со 3-2.
– Во нашиот состав има пет играчи со по еден жолт картон, Пандев, Наумовски , Деспотовски, Шумоликоски и Влатко Грозданоски и во случај на несакани повреди бидејќи играме двомеч да бидеме подготвени за навремена реакција. Првиот предизвик Шкотска е најзначен за нас и тука ќе се решава битката за втората позиција во групата. Направивме анализа на играта на противникот и точно ги знаеме нивните добри и слаби страни –смета селекторот Мирсад Јонуз.
Репрезентативците се оптимисти во пресрет на одлучувачкиот натпревар со Шкотска и со солидна тактичка и психолошка подготовка сметаат дека може да се изненади домаќинот.Во првиот натпревар Македонија на “Градски“ ја совлада Шкотска со 1-0.
ohridnews
