Селекторот на македонската фудбалска репрезентација, Мирсад Јонуз поради исклучувањето на средбата Словачка – Македонија заработи казна од 1 (еден) натпревар и истата е применета на квалификацискиот дуел Македонија – Ерменија што се одигра на 7. септември во Скопје.

Со ова селекторот Јонуз се стекнува со право да го води националниот тим од клупа во продолжението од квалификацискиот циклус.

– Довербата тешко се стекнува, лесно се губи. Однесувањето на теренот треба да биде како на тестовите до пред стартот со Словачка. Тоа на последните два натпревара го немаше меѓу репрезентативците, па затоа во тимот ќе следуваат нови рокади. Ќе ги има во сите три линии – рече Јонуз за “Дневник“.

Селекторот пред новиот квалификациски циклус направи проветрување во репрезентацијата по неуспешната генералка со Малта. На принуден одмор замина стандардниот Владе Лазаревски, повремениот Бесарт Ибраими и дебитантот Никола Глигоров, но затоа пак нова или за првпат шанса да конкурираат за официјални мечеви добија дури осум кандидати.


Поради исклучувањето на средбата Словачка – Македонија, фудбалерот Ванче Шиков е казнет со 1 ( еден) натпревар. Казната е применета на средбата Македонија – Ерменија со што Шиков ќе може да настапи на средбите со Андора и Русија.

Од ФФМ уште и информацијата дека во периодот од 20 – 22 септември 2010, селекторот Мирсад Јонуз и техничкиот директор на ФФМ Небојша Марковски ќе учествуваат на 9-тата УЕФА конференција за селектори од европа кој ќе се одржи во Мадрид – Шпанија.

Ohridnews