Играчот од средниот ред на швајцарскиот Тун, Мухамед Демири и голманот Мартин Богатинов ја искористиja пружената шанса на мечевите со Албанија и Кина и се најдоа на списокот на селекторот Мирсад Јонуз за генералната проба пред можеби одлучувачкиот натпревар од квалификациите против Р.Ирска во Даблин.
Тасески е повратник во составот, кој иако не се покажа пред Јонуз поради повредата на загревањето на мечот со Албанија, добива можност да не убеди во неговите квалитети. Четата на Јонуз, останува тенка во средниот ред, каде покрај стандардните Шумуликоски и Деспотовски, принудно ќе мора да играат Лазевски или евентуално Лазаревски.
Во нападот се враќа најдобриот стрелец Горан Пандев, а во комбинација се уште Наумоски, Тричкоски и Ристиќ. Од стнадрдните поради немањето на ангажман го нема Марио Ѓуровски (два гола во квалификациите) и Бајрам Фетаи кој остави солиден впечаток на пријателските средби, но неговата “слобода“ го чини изостанување од списокот за мечот со Камерун.
На мечевите со Албанија и Кина , Јонуз ги задоволи апетитите на македонските менаџери, повика една плејада на играчи, па сега се враќа на стандардните фудбалери кои пак досега не донесоа кој знае какви резултати. Четири бода од четири средби.
Камерун е силна репрезентација, на ФИФА листата се наоѓа на 37 место , но селекторот уште одамна рече дека не го интересира падот на рејтингот, туку играта која ќе ја пружат репрезентативците.
Одамна не не’ пленале со играта (освен второто полувреме на мечот со Русија), па на престојните два меча еве прилика и селекторот и фудбалерите дека не убедат дека имаме квалитет , а не само желба да бидеме дел од едно големо натпреварување.
М.Постоловски
