Македонската фудбалска репрезентација ќе го има првиот тест во новата 2010 година. Според селекторот овај меч е добра прилика на нашата репрезентација да пред публиката во Скопје да одигра еден добар контролен натпревар со противник кој што има добри квалитети.

– За нас овој натпревар значи нов предизвик и инспирација но и прилика да тимот уште подобро го воиграме а и да се реваншираме за поразот во Подгорица. На списокот се играчи кои во изминатиов период добиле шанса и заслужуваат да бидат повикани, единствено ново име е играчот на ФК Рад од Белград 25-годишниот Александар Тодоровски кој што игра на десна бочна позиција. – изјави селекторор Мирсад Јонуз по објавувањето на списокот за официјалната веб страна на ФФМ.

Собирот е во понеделник во 10.00 часот во Хотел Александар Палас а до натпреварот ќе се одржат два тренинга. Во текот на неделава ќе биде објавено на кои терени ќе се одржат бидејќи желба е да се сочува теренот на “Арената Филип II“ во одлична состојба за самиот натпревар.

– Во ова фаза повеќето од фудбалерите се наоѓаат на отпочнување на втор дел на првенството така да овој натпревар за нас а верувам и за гостите ќе биде прилика да видиме во која форма се фудбалерите. Секогаш е предизвик да се игра против репрезентација која доаѓа од бившите ју-простори а посебно кога во своите редови имаат играчи како Вучиниќ, Вукчевиќ, Бошковиќ, тоа ќе биде дополнителен мотив да прикажеме убава игра и оствариме нова победа – истакна Јонуз.

Ohridnews