– Во март в година сакам да гостуваме во Москва, а во јуни Русија да ни гостува во Скопје. Тоа е моето размислување кое ќе го застапувам во преговорите. Нема да попуштам по цена и да не постигнеме договор, па распоредот за натпреварите да го крои УЕФА – вели селекторот Јонуз пред заминувањето за Москва.

Според него пресметката во овие термини со фаворитот во групата е најповолна, бидејќи поголемиот дел од репрезентативците на Русија играат во домашниот шампионат, кој во тој период ќе биде на самиот старт и нема да бидат во полна натпреварувачка форма.

Дополнителен, ако не и основен проблем за остварување на желбите на Јонуз,  е изградбата на  Филип Втори арената , која е во реконструкција  и изградба на нови трибини на Западната и Источната страна. Квалификациската групата “Б“ во која покрај Македонија, уште се и Русија, Словачка, Р. Ирска, Ерменија и Андроа е неатрактивна и од ТВ-правата ФФМ очекува скромни 250.000 евра.

–  Компанијата што ги има ТВ-правата за нашата репрезентација бара
средбите како домаќини да се играат во временскиот термин од 18 до 21
часот. За дуелот со Ирска конкретно посочи да се планира по 20 часот. За
да се исполни ова барање пресметката со Ирска ќе треба да ја сместиме
во термините од 2011 година, до кога стадионот ќе биде комплетиран и ќе
може да се користи осветлувањето – вели Јонуз.

Поради неможноста на стартот од квалификациите да играме под
рефлекторот, Јонуз останува на ставот во септември годинава Македонија
квалификациите да ги почне со еден од аутсајдерите Андора или Ерменија
во дневен термин и да гостува во Словачка или во Ирска.

Покрај селекторот Јонуз во Москва ќе заминат и претседателот на ФФМ, Харалампие Хаџи-Ристески, потпретседателот Кенан Идризи и генералниот секретар Игор Климпер.

Ohridnews