Холандскиот парк кој пред една година беше промовиран во Охрид, каде Холандската амбасада донира 600 садници, а во чија реализација потпомогнаа општина Охрид и ЈП „Охридски Комуналец“, континуирано трпи штети кои се манифестираат со сушење на садниците, информираат од јавното претпријатие.
– Од извршениот стручен увид на лице место , констатирано е дека сушењето на садниците е последица на вршење на физиолошките потреби на домашните миленици кои секојдневно се присутни во паркот и се движат без никава заштита и контрола од страна на сопствениците, велат од ЈП „Охридски комуналец“.
Од ова претпријатие потенцираат дека за проблемот се информирани и надлежните служби, Амбасадата на Кралство Холандија и јавноста, но и покрај тоа ситуацијата е непромента.
OhridNews
