Дел од водата од крајбрежјето на Охридското Езеро, утрово беше изразито кафеава. На површината се забележуваше кафеав талог, кој според кажувањата на охридските кајчари е резултат на пустинскиот дожд, полн со прашина кој наврна во текот на ноќта.
Стручните лица изразуваат сомнеж дека оваа појава е последица на врнежите од дожд, укажувајќи на големата пречистителна моќ на езерската вода, освен ако не станува збор за посериозни загадувања на водата.
Од Центарот за јавно здравје кој редовно врши испитување на водата од Охридското Езеро, информираат дека утрово се земени примероци од крајбрежјето и дека резултатите од испитувањето ќе бидат познати за пет дена.
Според последните испитувања направени во месец април, во најголем дел водата од Охридското Езеро, вклучително и во центарот на градот е од прва катетегорија.
OhridNews
