Како по ноти играа ракометарите на македонскиот шампион Металург на отворањето на новата сезона во Лигата на шампиони совладувајќи го на гости францускиот Шамбери со 33:30.
Металург го диктираше темпото во текот на целиот натпревар. Станиќ на моменти беше нерешлива енигма за домаќинот, што искусниот македонски тим знаеше да го искористи. Разновидно во нападот, цврсто во одбраната, играчите на Лино Червар имаа апсолутна контрола на натпреварот. Откако го добија првото полувреме, во ист ритам продолжија и во вториот дел. На десет минути до крајот македонскиот шампион ја достигна највисоката предност 31:25 и не дозволи до крајот победата да биде доведена во прашање во ниту еден момент.
Новото засилување, искусниот Ренато Вугринец имаше одлично деби, навестувајќи добра сезона на македонскиот шампион, во чии редови на мечот со Шамбери се функционираше како под конец.
Во следното коло, на домашен терен, Металург ја пречекува словенечката екипа „Горење“.
OhridNews
