Франческо Тоти две децении е дел од екипата на Рома, стана заштитен знак на тимот и „принц“ на Рим. Клубот за неговата преданост и верност ќе му се одоолжи со тоа што ќе ја повлече десетката од употреба по неговото пензионирање.
– Би било одлично кога би можеле да направиме реплики на фудбалери какви што се Тоти, Де Роси, Флоренци. Без сомнение ’десетката’ ќе ја повлечеме кога Тоти ќе реши да ја заврши кариерата – рече претседателот на „волчицата“ Џејмс Палота.
Ако во НБА лигата повлекувањето на дресовите е нормално, тоа не важи во фудбалот. Единствени екипи кои повлекле дресови од фудбалски легенди се Милан и тоа од Малдини и Барез и Наполи од неповторливиот Марадона.
Слично збогување од фудбалот можат да добијат уште двајца фудбалери кои целата кариера ја минале во еден клуб,Хавиер Занет и неуморниот Рајан Гигс.
Мх.П.
