Автобус на компанијата „Сприја“ од Вевчани денеска околу 13.30 часот бил каменуван од група од десетина малолетници на излезот од селото Велешта. Како што информираат од СВР Охрид, во нападот било оштетено стакло од левата страна на автобусот, а за среќа никој од патниците не е повреден.
Инцидентот веднаш бил пријавен во полицијата која по кусо време идентификувала и привала две лица за кои постои сомневање дека биле учесници во инцидентот, а се преземаат мерки за пронаоѓање и на другите напаѓачи.
Оваа година ова е втор пат автобус на вевчанската компанија да биде цел на напад на вандали. Првиот пат тоа се случи непосредно по протестот на муслиманските верници во Струга на кој беше изразен револт поради истакнување на маски на Вевчанскиот карневал со навредлива содржина за исламската религија.
OhridNews
