Камери и глисери ќе го чуваат Охридското Езеро од рибокрадци. Според најавите на Државниот инспекторат за земјоделство наскоро рибочуварската служба на Охридското Езеро, ќе биде засилена со уште шестмина чувари. Исто така се предвидува таа да биде опремена со дополнителни два глисери, изјави за Оhridnews, директорот на државниот инспекторат за земјоделство, Ванчо Димитриевски.


Се зајакнува заштитата на Охридското Езеро

Според најавите наскоро ќе започне и инсталирањето на опремата за видео надзор, и сонар, со што во голема мерка ќе се зголеми заштитата на рибниот фонд, особено на пастрмката и белвицата кои  поради негрижата во минатото се доведени до раб на исчезнување.

ohridnews