Непријатна средба со револтирани жители на Куманово синоќа имал лидерот на ДУИ Али Ахмети пред одржувањето на партиската конвенција во овој град. Како што информираат националните медиуми, десетици роднини и пријатели на Џемаил Реџепи – викан командант Шќипоња го блокирале влезот на Куманови со цел да не му дозволат на лидерот на ДУИ Ахмети да влезе во градот. Командант Шќипоња беше убиен поради недоразбирања во огранокот на ДУИ во Куманово. Ахмети ги избегнал незадоволните граѓани кои почнале да фрлаат со камења по неговиот автомобил при што оштетиле две стакла. Ахмети сепак стигнал до местото каде се одржа партиската конвенција на ДУИ.
Од ДУИ подоцна вечерва соопштија дека насилни провокатори се обиделе да му го попречат патот на лидерот Ахмети, во што не успеале.
-Изразуваме жалење за срамната злоупотреба на болката на луѓето од страна на некои нови политички групи кои скаат да се афирмираат преку очајни постапки. – соопшти ДУИ.
OhridNews
