Уште еден голем успех на карате-кидот Пеце Наумовски од Мелбурн. Ова младо момче на федералното натпреварување во карате на Австралија кое викендов се одржа во Бризбејн, во силна конкуренција повторно го освои првото место во неговата категорија до 51 килограм и ја здржа титулата – првак на Петтиот континент.
Ваквиот голем успех на Наумовски е извојуван на паркетот во жестока трка за место погоре на ранг-листите и во конкуренција на по шест натпреварувачи од секоја држава на Австралија.
Пеце Наумовски, чии родители се од охридскиот крај ја продолжи успешната жетва на трофеи откако имаше успешни настапи на игрите на Комонвелтот и младинското светско првенство во Грција.
