Со наближување на летниот период потребите од крв и крвни продукти се зголемува. Во таа насока Црвен крст Охрид прави напори да ги обезбеди потребните количества на драгоцената течност со организирање на вонредни крводарителски акции. Во тие рамки, во соработка со голем број фирми, подржувачи и помагатели на хуманитарните активности, Црвен крст на Македонија и Црвен крст Охрид ќе ја организираат голема манифестација по повод одбележувањето на Светскиот ден на крводарителството, која ќе се одржи на 16.06.2012 (сабота) на плажата “Оревче” во Градиште од 11 ч.
Планирано е манифестацијата да започне на бродот Александрија, а да продолжи со крводарителска акција и хепенинг, на која крв Ќе даруваат преку 120 крводарители од целата држава, а за забавниот дел ќе се грижат голем број познати пеачи од македонската естрада.
