Според проценките извршени од страна на ЈП Градски пазар, неопходно е во текот на годината во Охрид да се најде локација каде ќе биде поставен пазар на големо од траен или времен карактер.
За да се задоволат стандардите предвидени со законските прописи кои ја регулираат организацијата на пазари, локацијата би требало да е со површина од минимум 1000 метри квадратни и да има обезбеден пристапен пат за товарни возила.
– Искуството ни покажува дека со функционирање на Пазар на големо ќе се намалат импровизираните, бесправни пазарчиња, продажбата од моторните возила лоцирани на различни локации од градот, особено во летниот и есенскиот период кога оваа појава е најизразена, велат од ЈП Градски пазар.
Задача да се најде соодветна локација за подигање на пазар на големо е на основачот на претпријатието- локалната самоуправа .
OhridNews
