Во текот на 2011 година, се предвидува продолжување со чистење на 94 речни корита, меѓу кои и на Голема Река, Врбјанска Река, Издеглавска Река, како и каналот на реката Сатеска во охридско и Дебарца. Исто така ќе се чистат и коритата на Вевчанска Река во Вевчани и каналите: Калишки, Теферич и Индустриски канал во Струга.
Покрај реките и каналите, согласно Акциониот план, се предвидува продолжување на чистење на дел од крајбрежјето на Преспанското Езеро, уредување на плажите, расчистување на наносите и ниската вегетација, ако и расчистуивање на комуналниот и градежен отпад.
Акцијата ја спроведува Министерството за транспорт и врски во соработка со Министерството за животна средина и просторно планирање, Армијата на Република Македонија, Центарот за управување со кризи и Дирекцијата за заштита и спасување.
