Од утре, преку интернет страната на министерството за транспорт и врски ќе започне електронско гласање за избор на најдобрите идејни архитектонски урбанистички решенија за уредување на пет плажи на охридското крајбрежје- плажа Далјан, Извиднички камп, Лагадин, Љубаништа и Студенчишко блато.
Министерството за транспорт и врски конкурсите за изработка на идејни архитектонско – урбанистички решенија за уредување на 1.560 метри плажи на Охридско Езеро ги објави во месец октомври, а рокот за поднесување на идејните решенија траеше до 7 ноември.
Според наведеното во конкурсите на плажите треба да има планирана песочна површина, да се почитува постојното зеленило и да се дооформи со автохтони видови, хортикултурно и партерно да се уреди со поставување клупи, да има фонтани за питка вода, детски игралишта, пешачки патеки од монтажно – демонтажни материјали, да содржат шанк со кабина за музика, санитарен јазол, тушеви, просторот за капење во езерото треба да биде обележан со бови заради заштита на капачите од пловни објекти и да се предвиди место за служба за спасување.
Елементи по кои ќе се оценуваат и рангираат доставените идејни решенија се оригиналност и иновативност, изводливост, пристапност до и во локацијата за лицата со посебни потреби, вид и квалитет на понудените материјали и нивна трајност и читливост на идејата на проектот.
OhridNews
