Денес и утре екипите на Македонија пат ќе ги пополнуваат дупките на патниот правец кон Свети Наум. Од подружницата во Охрид информираат дека деновиве била набавена ладна асфалтна маса која е потребна за интервенции од овој вид кога темепратурите се ниски, односно во зимскиот период.
Овој патен правец, особено на потегот од хотелот Метропол до Пештани е во особено лоша состојба веќе подолг период и на возачите им создава проблеми при возењето.
Крпењето на дупките засега е единственото решение за да се овозможи безбедно движење на овој патен правец. За жал поголеми градежни работи на овој потег засега не се предвидени.
OhridNews
