Општина Охрид најавува модернизација на шест локални патни правци. Како што информираат од локалната самоуправа надградбата со асфалт и изградба на банкини наскоро ќе има на патот од дирекцијата на „Жито-леб“ до сред село на Велгошти; патот од Охрид преку населбите „Радојица Новичиќ“ и Долно Лакочереј до село Горно Лакочереј; патот од Охрид преку село Орман до село Долно Лакочереј; патот од село Лескоец до село Скребатно; патот од Охрид до село Велестово и патот од Охрид до село Елшани.
Се очекува градскиот совет на наредната седницата што ќе се одржи на 27-ми октомври да даде зелено светло за модернизацијата на локалната патна инфраструктура, што треба да се реализира во наредните месеци.
Ohridnews
