Деновиве во Охрид, треба да започне акцијата за отстранување на мините и другите експлозивни направи, кои се наоѓаат на дното од Охридското Езеро. За таа цел денеска во Охрид се очекува да пристигне специјалната опрема која ќе се користи за демонтирање и отстранување на овие експлозивни средства. Заедно со опремата треба да допатуваат и дел од меѓународните тимови на експерти кои се специјално обучени за оваа намена.
Покрај експертите од регионот, во оваа акција ќе бидат вклучени и членови на нуркачките клубови од Охрид, чкои ја имаат поминато обуката за деминирање под вода. Планирано е да се работи на неколку локации во Охридското Езеро, а се очекува да бидат извадени и отстранети експлозивни направи од Првата и Втората Светска војна. Експертите велат дека покрај експлозивите од овие две војни, се очекува на дното на Охридското Езеро да има и остатоци на експлозивно огнено оружје, кое потекнува од времето на Турската империја.
Ohridnews
