Вкупно 46.157 граѓани ќе треба да платат повторно по 250 денари за обновување на електронските здравствени картички. Осигурениците кои меѓу првите во 2011-та ги добиле картичките, оваа година ќе треба да поднесат ново барање до Фондот за обновување на истите кои се со траење од пет години. Финансиските трансакции за обновување на електронските картички, ќе го надополнат буџетот за околу 8 милиони евра.
Оваа новина во здравството беше донесена во 2008-та година, кога министер за здравство беше Бујар Османи. Тогаш требаше да се изработат 2,3 милиони картички, за кои од државниот буџет, требаше да бидат обезбедени 7,5 милиони евра. По стапување на министерската функција на Никола Тодоров, беше донесена одлука, наместо бесплатни, картичките да бидат на сметка на самите осигуреници.
OhridNews
