Викендов ЈП „Охридски комуналец“ започнува со реализирање на првата од вкупно предвидените осум акции за подигнување на кабаст отпад, кои согласно годишниот календар е предвидено да се спроведат во пролетниот циклус во месеците мај и јуни.
Се информираат граѓаните дека на 3- ти мај, сабота, се организира акција за подигнување на кабаст отпад (душеци, стар мебел, телевизори, шпорети, теписони и др.) во У.З.1 „Стар Град“ .
Се молат граѓаните кои живеат во овој дел од градот, доколку имаат ваков отпад, уредно да го депонираат најдоцна до 10 часот и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец” благовремено да го подигнат.
OhridNews
